Sonko kupeana tuzo la KSh 300,000 kwa yeyote atakayetoa taarifa kuwahusu majambazi hawa 4

  23 Mar 2018

– Gavana Sonko amewaomba wakazi wa Nairobi kumsaidia kuwasaka majambazi wanne ambao waliingilia kinyozi kimoja na kuwaibia wafanyakazi

-Majambazi hao wanasemekana kuingia kwenye kinyozi hicho wakiwa wamejihami kwa bastola na kuamrisha kila mtu kulala sakafuni

-Sonko alisema kuwa atapeana tuzo la KSh 300,000 kwa mtu yeyote atakayepeana habari kuwahusu majambazi hao

Gavana wa Nairobi Mike Sonko ameahidi kuwa atapeana tuzo la KSh 300,000 kwa yeyote atakayetoa habari kuwahusu majambazi wanne walionaswa kwenye kamera za CCTV wakiwaibia watu kwenye kinyozi.

🐝

A post shared by Mike Sonko (@mike.sonko) on

Kupitia ukurasa wake wa Facebook, Sonko aliweka video iliyowaonyesha majambazi hao jinsi walivyovamia kinyozi hicho wakiwa wameshika bastola mikononi na kuamrisha kila mtu kulala sakafuni huku wakipekua kila mahali wakitafuta pesa. TUKO.co.ke imeweza kufahamu kuwa majambazi hao wamekuwa wakiwahangaisha wakazi wa Eastlands hasa katika barabara ya Jogoo, Likoni na Bunyala. “Nataka wakazi wa Nairobi wanisaidie kupata habari kuhusu majambazi 4 waliovamia kinyozi na kuwaibia wafanyakazi.I wapo kuna mtu ambaye yuko na taarifa yoyote kuwahusu tafadhali wasiliana nani kupitia nambari ya simu 0722886600. Kumbuka kuwa kuna tuza la KSh 300,000 kwa yule atayetusaidia kuwakamata wanne hao,” Sonko aliandika Facebook. Sonko amekuwa mstari wa mbele katika kuhakikisha kwamba anamaliza uhalifu ambao umekithiri katika mitaa mingi ya Nairobi.

Loading...

Leave a Reply

Your email address will not be published. Required fields are marked *

error: Content is protected !!